Dijon

Dr Miguel Gonzalez het e Farm gha z´Arizona.
Uf dere het er scho lang gläbt mit sim Schwöschterli Rosalie.
Er isch dr ganzi Tag uf em Fäud gsi.
Es het im zu de Hühner gluegt und ihm dr Hushaut gemacht.
Es isch nüm s´jüngschte gsi u onid sones Hübsches,
doch het es gar vieu Härz gha.
Isch geng es fröhlechs gsi.
Es het nie über sis Schicksau gchlaggd, es het ja nüt anders kennt.

Er isch vo Ziet zu Ziet i die nächschti Stadt gritte.
Isch ie Salon ine cho u het e Whisky nach em andere gno.
Er het sech la flatiere vor Senorita Conchita.
Er isch nümm los cho fore.
Het geng vo nöiem ase verlore sis Härz u sies Vermöge.

U we dr Mond ufgange isch, het ne sies Rössli heizu treit.
Er isch ganz blau gsi u het e Schwips gha.
Trip trap, trip trap, hicks. Trip trap, trip trap, hicks.
S´Rosalie het nie gschumpfe
es het nume gsüffzet u nim is Bett ghuffe.
Em Morge druff het er e Kater gha, dä het e so Theater gmacht.
Rosalie leit im e Isbütu ef e Kopf
U tröschtet de armi Tropf.
Es het im no e schwarze Kaffee geh
U nähär het er wieder ganz gut us gseh.

d´fortsezig chunt no.